Публикации » Чи юратни, кĕтни

19 ноября 2011 г.

Вĕренỹ çулĕн иккĕмĕш чĕрĕкĕнче республикăри шкулсенче "Эпĕ ишме пĕлетĕп" проект старта тухрĕ. Елчĕк шкулĕ çак проекта пурнăçа кĕртес енĕпе тĕп площадка пулса тăрать. 7 "а" класра вĕренекенсене çакă савăнтармаллипех савăнтарать. Вĕсемшĕн шывра ишесси чи юратнă заняти пулса тăчĕ. "Улăп" физкультурăпа спорт комплексĕ уçăлнăранпах çиччĕмĕшсем бассейнран тухма пĕлмеççĕ. Вĕсем шывра ишме кăна вĕренмерĕç, ишесси вĕсемшĕн юратнă спорт вăййи пулса тăчĕ. Пĕрле вĕренекенсен çитĕнĕвĕсемпе савăнаççĕ çиччĕмĕшсем. Егор Теллинпа Иван Карпов класри кăна мар, район шайĕнчи ăмăртусене хутшăнаççĕ, призлă вырăнсем йышăнаççĕ. Класра ирттернĕ анкета ыйтăвĕсем тарăх çакă паллă: физкультурăна виççĕмĕш сехет кĕртнипе ачасем питĕ кăмăллă. Чи юратнă, кĕтнĕ урок вăл вĕсемшĕн.