09 ноября 2011 г.
Пирĕн район территорийĕнче шыв объекчĕсем сахал мар. Аслă Пăла, Кĕçĕн Пăла, Таяпинка юхан шывсем, гидротехника сооруженийĕсем, ял çумĕнчи пĕвесем çанталăк сивĕтнĕ май шăнаççĕ, çавна май хăйне майлă хăрушлăх кăларса тăратаççĕ. Çỹхе пăрпа витĕннĕ пĕвене пулă тытма кĕни, конькипе ярăнни инкек патне илсе пыма пултарать. Сивĕ шыва кĕрсе ỹкнĕ çын хускалайманни, унта нумай тытăнса тăрайманни куç кĕрет. Çавна май пăр çинче хăвăра мĕнле тытмалли тĕп правилăсене асра тытмалла. Шывра чрезвычайлă лару-тăру сиксе тухсанах пулăшу ыйтса Елчĕкри пĕрлехи дежурнăйпа диспетчер службине карас 112 е ахаль 25-0-01 телефонсемпе шăнкăравламалла.