Публикации » Чир-чĕре хирĕç

29 октября 2011 г.

 Санитарипе эпидемие хирĕç кĕрешекен районти комиссин черетлĕ ларăвĕнче 2011-2015 çулсенче паразитлă чирсенчен профилактика мероприятийĕсем ирттермелли комплекслă плана пăхса тухнă. Тĕп докладпа Елчĕкри больницăн тĕп врачĕ Н.Уркова тухса калаçнă. Роспотребнадзор Управленийĕн Патăрьел районĕнчи территори уйрăмĕн ертỹçи Н.Сергеева, выльăх-чĕрлĕх чирĕсене хирĕç кĕрешекен ветеринари станцийĕн начальникĕн ĕçĕсене вăхăтлăха пурнăçлакан И.Николаева тата ыттисем чир-чĕр çакланасран сыхланмалли мерăсем çинче чарăнса тăнă. Сăвăссемпе ỹпресем урлă ерекен чирсене хирĕç кĕрешмелли мероприятисен планне çирĕплетнĕ. Ларăва район администрацийĕн пуçлăхĕн пĕрремĕш çумĕ - вĕренỹпе çамрăксен политикин пайĕн ертỹçи, комисси председателĕ Л.Левый ертсе пынă, тĕрлĕ чир-чĕртен сыхланса яваплă службăсен пĕрле ĕçлемеллине палăртнă.