Публикации » Çĕнĕ юрăсем вĕренеççĕ

29 октября 2011 г.

 Елчĕкри культурăпа кану центрĕн коллективĕ çĕнĕ сезона пысăк хастарлăхпа пуçăннă. "Туслăх" ансамбль старости Галина Московская пĕрремĕш занятире кружока çỹреме пуçлакан, юрлама юратакан çынсемпе, пултарулăх ертỹçи Иван Шурбин çĕнĕ сезонти репертуар планĕпе паллаштарнă. "Туслăх" ансамбль иртнĕ çул йĕркеленнĕ. Унта учитель-пенсионерсем, тивĕçлĕ канăва тухнă культура ĕçченĕсем, пĕр сăмахпа, ватлăх енне кайсан та юрă-кĕвĕрен уйрăлман хĕрарăмсем çỹреççĕ. Ансамбль кĕске хушăрах районта ырă ят çĕнсе илнĕ. "Туслăх" ансамблĕн çĕнĕ сезонти çĕнĕ юррисене чи малтанах ял хуçалăх ĕçченĕсен уявне хутшăнакансем курса киленĕç.