Публикации » Çĕнтерỹçĕсен йышĕнче

26 октября 2011 г.

Чăваш Республикин Вĕренỹ институчĕн чăваш чĕлхипе литературин кафедри "Тĕнчере тĕрлĕрен кĕнчеле" интернет олимпиада ирттернĕ. Ыйтусем чăваш чĕлхипе литературине тĕпчекенсем, чăваш халăхĕн тĕнче шайне çĕкленнĕ ывăл-хĕрĕ çинчен, çавăн пекех чăваш çыравçисен паллă произведенийĕсем театр тата ỹнер искусствинче мĕнле йĕр хăварни çинчен пулнă. Интернет олимпиадăна Чăваш Республикинче тата унăн тулашĕнче чăваш чĕлхипе литературине вĕрентекенсем хутшăннă. Пирĕн районти Чăваш Тăрăмри шкулта чăваш чĕлхипе литературине вĕрентекен Галина Ивановна Малова, веб-страницăри 15 ыйтăва 45 минут хушшинче тĕрĕс хуравсем парса, 2-мĕш вырăна тухнă. Ăна Дипломпа чысланă.