Публикации » Шкулти выставка

22 октября 2011 г.

Чăвашсен паллă поэчĕ, Раççей Патшалăх премийĕн лауреачĕ Яков Гаврилович Ухсай çуралнăранпа 100 çул çитнине уявлама хатĕрленсе Вырăскассинчи библиотека вырăнти шкулпа пĕрле тĕрлĕ мероприятисем йĕркелет. Çуткỹлти шкулта "Ухсай Яккăвĕ - чăваш халăхне чапа кăларакан" ятпа кĕнеке выставки уçăлнă. Ăна йĕркелессинче чăваш чĕлхипе литература предметне вĕрентекен Л.Векова пысăк тỹпе хывнă. Çапла майпа поэт пултарулăхĕпе тĕплĕнрех паллашма пулать, унсăр пуçне ачасем мĕн çамрăкранах чăваш чĕлхине юратма, тăван халăха хисеплеме хăнăхса ỹсеççĕ. Шкулти выставкăна юпа уйăхĕн вĕçĕнче Вырăскассинчи библиотекăна куçараççĕ.