Публикации » Çĕнĕлĕхсем пурнăçа ансатлатаççĕ

08 октября 2011 г.

Сывлăх сыхлавĕн тытăмне çĕнетесси, инноваци технологийĕсене пурнăçа кĕртесси - патшалăх шайĕнчи тĕп ыйтусенчен пĕри. Медицина ĕçченĕсем çулсеренех ĕç кăтартăвĕсене лайăхлатассишĕн, диагностика ĕç-хĕлне аталантарассишĕн, чир-чĕре малтанхи тапхăрта тупса палăртассишĕн, сиплев пахалăхне ỹстерессишĕн тăрăшни сисĕнет. Сывлăх сыхлавĕн тытăмĕнче информацин çĕнĕ хатĕрĕсемпе районта та анлăн усă курма тытăнни - электрон карттине ĕçе кĕртни - пурнăçа самай ансатлатнине палăртас килет. Интернетпа çыхăнса килтенех тĕрлĕ кабинета майлă кун тата майлă вăхăтра электронлă майпа çырăнма май туса пани ĕçе çỹрекен çамрăксемшĕн те, ватăсемшĕн те питĕ меллĕ. Çакă кунĕпе черетре ларасран пулăшать, вăхăта перекетлет. Çак кунсенче электрон йĕркипе çырăнса шăл тухтăрĕсен кабинетĕнче пулнă май асăннă ырлăха хам çинче туйма пултарнине палăртас килет.