08 октября 2011 г.
Вăрнар районĕнче çуралнă, йывăр атлетика енĕпе СССР чемпионĕ ята тивĕçнĕ, тĕнче рекордсменĕ В.Андреев 75 çул тултарчĕ. Çавна май Вăрнарта çамрăксем хушшинче Чăваш Республикинче мала тухассишĕн ăмăрту иртрĕ. 1993 çулхи тата унран çамрăксем хăйсен вăйне тĕрĕслерĕç. Хĕрсенчен М.Портнова (Аслă Пăла Тимеш) пĕрремĕш, В.Ананьева (Çĕнĕ Пăва) виççĕмĕш вырăнсене йышăнчĕç. Хăйсен виçинче В.Викторов (Елчĕк) пĕрремĕш, В.Новиков (Курнавăш), Э.Миронов (Энтепе), М.Зайцев, С.Грибов (Çĕнĕ Пăва) иккĕмĕш, П.Аверьянов, С.Прохоров (Çĕнĕ Пăва), И.Плешков (Елчĕк) виççĕмĕш вырăнсене тухрĕç. Çавăн пекех Г.Александров, Д.Николаев, А.Иванов (Курнавăш), Д.Зайцев, В.Зайцев (Çĕнĕ Пăва), А.Александров (Елчĕк) те командăшăн паха очкосем пачĕç. Пирĕн район команди пĕрремĕш вырăна тухрĕ. Команда членĕсем Р.Турхана, "Клевер" ООО ертỹçине, пулăшу панăшăн пысăк тав сăмахĕ калаççĕ.