08 октября 2011 г.
Ашшĕ-амăшĕн хỹттисĕр тăрса юлнă ачасене усрава е опекăна илни, çемьене йышăнни пĕр-пĕринчен мĕнле уйрăлса тăраççĕ? Н.Васильева. Ашшĕ-амăшĕн хỹттисĕр тăрса юлнă çул çитмен çамрăксене вырнаçтармалли кашни меслетĕн тĕп тĕллевĕ - ачана çемье условийĕсенче çитĕнме тата тивĕçлĕ воспитани илме май туса парасси. Ашшĕ-амăшĕ ачана усрава илнĕ хыççăн харпăр хăй тĕпренчĕкне кун çути парнеленĕ чухнехи пекех юридици саккунĕсем пурнăçа кĕреççĕ, вĕсен хушшинче ашшĕ-амăшĕпе ывăл-хĕрĕн ирĕкĕпе тивĕçĕ йĕркеленет. Хỹтлĕхсĕр юлнă ачана опекăна (14 çул тултарнисен тĕлĕшĕпе - попечительлĕх) илсе аслисем ăна 18 çул тултаричченех пăхса усраççĕ, воспитани параççĕ, вĕрентеççĕ, унăн ирĕкĕпе интересĕсене хỹтĕлеççĕ. Çемьене йышăнни вара çỹлерех асăннă меслетсенчен уйрăлса тăрать. Кун пек чухне хутшăнусене килĕшỹпе çирĕплетсе ачасене вăхăтлăх тăван кил ăшши парнелеççĕ. Ку тĕслĕхре ашшĕ-амăшĕн тивĕçне пурнăçлакансемпе ачасен хушшинче граждан тата çемье саккунĕсенчен тухса тăракан алимент, пурлăх тата еткер ирĕкĕсен хутшăнăвĕсем йĕркеленме пултараймаççĕ.