Публикации » Пуçаруллă педагог, ăста художник

05 октября 2011 г.

 Шăмалакри Петр Николаевич Сергеев çирĕм çул ытла ачасене черчени, рисовани, технологи предмечĕсене вĕрентет. Вĕренекенсем педагогăн урокĕсене чăтăмсăррăн кĕтеççĕ. Хăтлă мастерскойра ачасем мĕн пĕчĕкрен столяр ĕçĕсене хăнăхаççĕ. Кунтах вĕсем йывăçран касса тĕрлĕ кил хатĕрĕсем ăсталаççĕ. Шăмалак ачисен аллисем тĕрлĕ ĕçсенче маçтăрри районти конкурссенче те лайăх курăнать. Ỹкерме те ăста вăл вĕрентекен ачасем. Пултаруллă учитель республикăра ăста художник пулнипе те палăрнă. Вăл Чăваш кĕнеке издательствипе тачă çыхăну тытать. Чăваш çыравçисен кĕнекисене тĕрлĕ ỹкерчĕксемпе илемлетет. П.Сергеев Чăваш педагогика институчĕн художествăпа графика факультетĕнчен вĕренсе тухнă хыççăн малтанах колхозра художникра тăрăшрĕ. Унăн ỹкерчĕксем нумай. Тăван тавралăха сăнлакан ỹкерчĕксем Лаш Таяпари ваттисен çуртĕнче те вырăн тупнă. Район çыннисем унăн пултарулăхĕпе Елчĕкри историпе тăван тавралăх музейĕнче йĕркеленĕ выставкăра кăмăллăн паллашрĕç.

Сăн ỹкерчĕкре: П.Сергеев аллинче хăй чун кĕртнĕ кĕнекесем.