Публикации » Шкулсенче пулĕç

01 октября 2011 г.

 Районта "Полици тата ачасем" акци пырать. Вăл юпа уйăхĕн 26-мĕшĕнче вĕçленет. Акци вăхăтĕнче ШĔМĕн районсем хушшинчи "Комсомольский" уйрăмĕн Елчĕк районĕнчи шалти ĕçсен пайĕн çул çитменнисемпе ĕçлекен инспекторĕсем шкулсене çитсе ачасемпе, ăнăçсăр çемьесенче пулса ашшĕ-амăшĕпе тĕл пулĕç. Инспекторсем вĕренекенсене саккунсен пуххисемпе паллаштарнисĕр пуçне киревсĕр йăласен сиенĕсем çинче те (наркомани, эрех-сăра ĕçни, табак туртни, экстремистла ушкăнсемпе явăçни) чарăнса тăрĕç, ачасемпе калаçусем ирттерĕç. Полици ĕçченĕсем çĕрле 10 сехет хыççăн урамра çỹрекен ачасен ашшĕ-амăшне явап тыттарасси çинчен асăрхаттарчĕç.