Публикации » Стипендие тивĕçнĕ

24 сентября 2011 г.

Чăваш Республикин Президенчĕн Указĕпе килĕшỹллĕн республикăри пĕтĕмĕшле тата хушма пĕлỹ паракан учрежденисенче пĕлỹ илекен пултаруллă 25 вĕренекене уйăхсерен стипенди пама йышăннă. Шкул ачисем кăçалхи авăн уйăхĕн 1-мĕшĕнчен пуçласа 2012 çулхи çурла уйăхĕн 31-мĕшĕччен уйăхсерен 400-шер тенкĕ стипенди илсе тăраççĕ. Палăртма кăмăллă: стипендиатсен йышĕнче Таяпа Энтринчи Наталья Траншкина та пур. Вăл тăхăр класа "5" паллăсемпе пĕтернĕ. Наталья иртнĕ вĕренỹ çулĕнче право тата обществознани предмечĕсемпе Пĕтĕм Раççейри олимпиадăсенче призерсен йышне кĕнĕ. Пултаруллă хĕр ача хальхи вăхăтра Елчĕкри шкулта вуннăмĕш класра пĕлỹ пухать.