14 сентября 2011 г.
Кăçалхи çурла уйăхĕн 1-31-мĕшĕсенче районта "Трактор" операци-уйăхлăх иртрĕ. Çак вăхăтра пурĕ 142 трактора, хăй тĕллĕн çỹрекен ытти машинăсене, прицепсене тĕрĕсленĕ. Çул çỹревĕн хăрушсăрлăхĕн, хăрушсăрлăх техникин йĕркисене пăхăнман 4-шар техника хатĕрне тупса палăртнă. Çавăн пекех 7 машинăна патшалăх регистрацийĕн, 5 машинăна патшалăх техника тĕрĕслевĕн йĕркисене пăхăнманнипе тытса чарнă. Техника хатĕрĕсене тытса пыма ирĕк паракан удостоверенисĕр çỹренĕ 5 механизатора, регистраци докумен-чĕсемсĕр ĕçе тухнă 4 çынна, путевкăсăр çула тухнă 3 çынна, патшалăх техника тĕрĕслевĕн талонĕсĕр 5 механизатора айăпланă. 6 машина патшалăх регистрацийĕ витĕр тухманнине палăртнă, 3-шне ĕçре усă курма чарса паллисене тытса илнĕ. Айăплисене тивĕçлипе явап тыттарнă. Операци-уйăхлăхра пурĕ 18 механизатора, должноçри 6 çынна, 2 предприяти ячĕпе асăрхаттару çырнă, вĕсене 6200 тенкĕлĕх штрафланă.