Публикации » Паха апат хатĕрлеççĕ

10 сентября 2011 г.

"Сатурн" ял хуçалăх производство кооперативĕнчи ĕçченсем силос хывнă çĕрте тăрăшаççĕ. Хуçалăхра "уй-хир пики" 125 гектар йышăнать. Хальлĕхе 65 гектарне пуçтарса кĕртнĕ. Çỹллĕ çитĕннĕ культурăна КСК-100 техникăпа Н.Крысов вырать. В.Семенов, Н.Купташкин, В.Каширин водительсем, А.Измайлов, В.Егоров трактористсем симĕс массăна траншейăна турттараççĕ. А.Курчинпа В.Крысов трактористсем ăна пусăрăнтараççĕ. Кăçал хуçалăхра çулталăк çурăлăх выльăх апачĕ хатĕрлеме палăртнă. Силоса та пахалăхпа хывса хăварас тесе зоотехника наукин требованийĕсене çирĕп пурнăçлассишĕн тăрăшаççĕ.