Публикации » Акцие хутшăннă

03 сентября 2011 г.

Суд приставĕсен службин Елчĕк районĕнчи подразделенийĕн ĕçченĕсем çурла уйăхĕн вĕçĕнче "Ачасене шкула пуçтар" ятпа иртнĕ акцие хутшăнса алимент тỹлемен ашшĕ-амăшĕпе тĕл пулнă. Вĕсемпе куçа-куçăн курса калаçнă май вĕсем ĕçсĕррисене ĕç тупма пулăшас тĕллевпе Елчĕкри ĕçпе тивĕçтерекен центра направлени панă, канаш-сĕнỹпе пулăшнă. Суд приставĕсен службин Елчĕк районĕнчи подразделенийĕн ертỹçи В.Казаков пĕлтернĕ тăрăх, калаçу хыççăн 2 парăмçă çак кунсенче ĕçе вырнаçма шантарнă. Сăмах май, паян районта ачисене алимент тỹлесрен пăрăнакан 160 çын шутланса тăрать, вĕсенчен çурри ытла - ĕçсĕр. 7 парăмçă тĕлĕшĕпе уголовнăй ĕç пуçарса тивĕçлĕ айăплав тăратнă. Алимент тỹлеменнисемпе малашне те тивĕçлипе ĕçлесе пырĕç.