Публикации » Район аталанăвне сăнлать

03 сентября 2011 г.

Район администрацийĕн çуртĕнче часах районăн 2020 çулчченхи стратеги аталанăвĕн планĕн никĕсĕ çинче йĕркеленĕ выставка уçăлмалла. Вăл хальлĕхе Патреккелĕнчи культура çурчĕн фойинче вырнаçнă. Часах кунта районти хуçалăхсен ертỹçисен канашлăвĕ иртмелле. Информаци стенчĕ çинче "Районăн çул-йĕрĕ", "Инвестици проекчĕсем", "Ял хуçалăх аталанăвĕ" тата ытти пайсем вырнаçнă. Çавăн пекех Чăваш Республикин тата Елчĕк районĕн порталĕсене кĕрсе патшалăх, муниципалитет пулăшăвĕсем çинчен информаци илме май пур - кунта сенсор экранне вырнаçтарнă. Интернет тытăмĕ пулăшнипе тĕнчери, çĕр-шыври, республикăри, районти хыпарсемпе паллашма пулать.