Публикации » Çулсене вак чул сарчĕç

24 августа 2011 г.

 Нумаях пулмасть Таяпа Энтринчи Анаткас урамне вак чул сарса хытарчĕç. Çак ĕçе Патăрьелĕнчи ДПМК строителĕсем пурнăçларĕç. Малашне çуркуннехи-кĕркуннехи тапхăрта кунта автомашинăпа та çăмăллăнах çỹреме пулĕ. Çак ĕçе пуçарма май туса панăшăн çак касра пурăнакансем Кĕçĕн Таяпа ял тăрăхĕн пуçлăхĕн çумне Л.Морозовăна тав тăваççĕ. Ĕçе йĕркелесе пырассинче ял тăрăхĕн депутачĕ В.Муллина та пысăк тỹпе хывнă. Касри хĕрарăмсем те айккинче тăрса юлман, уйрăмах Г.Щипцова, Г.Петрова пуçаруллă пулнине па- лăртмалла. Анаткас çыннисем çула палăртнинчен ытларах сартарас тесе хăйсем те укçа-тенкĕ пухнă. Иртнĕ çулсенче Йăлăмкасри çỹлти тата аялти урамсене кунта пурăнакансем хăйсем тăрăшнипе вак чул сартарнăччĕ. Арманкассинче те пуçаруллă çынсем тупăнсан ял çыннисем атăпа калуш тăхăнма пăрахĕç.