Публикации » "Прогресс" çĕнтернĕ

24 августа 2011 г.

Вырсарни кун Елчĕкри тĕп стадионта мини-футбол енĕпе районти турнир пулса иртнĕ. Унта пурĕ 10 команда хутшăннă. Спортсменсене район администрацийĕн пуçлăхĕ Н.Миллин, РФ Патшалăх Думин депутачĕ А.Аксаков саламланă. Командăсем икĕ ушкăна пайланса вылянă. Пĕрремĕш ушкăнра Аслă Пăла Тимешри "Юман", Шупашкарти "Славяне", иккĕмĕш ушкăнра "Прогресс" АХО, Тăрăм ялĕн командисем пĕрремĕшпе иккĕмĕш вырăнсене йышăннă. Ушкăнсенчи çĕнтерỹçĕсем - "Прогресс" АХО тата "Юман" командăсем финалта тĕл пулнă. Çивĕч кĕрешỹре акционерсен обществин футболисчĕсем 3:2 шутпа çĕнтернĕ. Виççĕмĕш вырăншăн "Славяне" команда тата Тăрăм ялĕн спортсменĕсем тĕл пулса вылянă. Ял футболисчĕсем 3:2 шутпа выляса илнĕ. Турнирта мала тухнă командăна футбол формисем, кашни командăна мечĕксем парса хавхалантарнă.