Публикации » Асăрханулăх питĕ кирлĕ

20 августа 2011 г.

Çуллахи типĕ çанталăкра пушар тухас хăрушлăх пур. Акă, "Кушкă" ял хуçалăх производство кооперативĕн çул хĕрринче вырнаçнă урпа уйĕнче 5 гектар çинчи тухăç вут-çулăмра пĕтнĕ. Вăл сỹнтермен пирус тĕпĕнчен тухнă тесе шутлаççĕ. Пушара вăрах алхасма паман _ техника хутшăннипе, ял çыннисем пулăшнипе ăна хăвăрт сỹнтернĕ. "Сатурн" хуçалăхра вара улăм купин тĕпĕсене çунтарнă. Типĕ те çиллĕ çанталăкра вут чĕртме пачах юрамасть. Çакăншăн хуçалăха 6 пин тенкĕлĕх штрафлама тивнĕ. Чăваш Енри Чрезвычайлă лару-тăру ыйтăвĕсемпе ĕçлекен патшалăх комитечĕ вут-çулăм тухнине спутник урлă сăнасах тăрать, тĕтĕм çĕкленнине асăрхасан сăлтавне пĕлтерме ыйтать. Вырма вăхăтĕнче вут-çулăмран асăрханулăх ытларах кирлĕ. Кашни хуçалăхăн уй-хирĕнче талăкĕпех дежурство йĕркелени вырăнлă. Плуг çакнă трактор яланах хатĕр тăтăр. Хушăк таврашĕнче вут чĕртме, улăм тăккаланчăкĕсене çунтарма юрамасть. Асăрхануллă, тимлĕ пулни хĕрỹ тапхăрта питĕ кирлĕ.