Публикации » Хĕрсех хĕле хатĕрленеççĕ

17 августа 2011 г.

"Комбайн" ял хуçалăх производство кооперативĕнче витесене хĕле хатĕрлесси çине пысăк тимлĕх уйăраççĕ. Хуçалăхри виçĕ фермăра 1100 пуç мăйракаллă шултра выльăх тата 882 пуç сысна хĕл каçать. Шалти пысăк ĕçсене ытларах иртнĕ çул тунă. Кăçал вара ĕне витинчи урайне сарнă, транспортерсене çĕнетнĕ. Юсав ĕçĕсене хуçалăх меслечĕпе пурнăçлаççĕ. Ĕне витинчи урайсене тата шыв валашкисене юсанă çĕрте ятарлă бригада тăрăшать. С.Соловьев ĕнесем уçăлма тухакан площадкăри юпасене улăштарать. Ю.Изратов механизатор часах навус кăларассине тата ферма территорине тасатассине вĕçлет. Выльăх-чĕрлĕх витисене дезинфекциленĕ, шуратнă. Çывăх вăхăтра пурнăçламалли ĕçсем татах та пур-ха. Çавăнпа та хуçалăхра вĕсене вĕçлессишĕн çанă тавăрса вăй хураççĕ.