Публикации » "Асăрханăр - ачасем!"

17 августа 2011 г.

Ачасен çуллахи каникулĕ вĕçленсе пырать. Çак вăхăтра вĕсем çул çỹремелли йĕркесене манма та пултараççĕ. Çĕнĕ вĕренỹ çулĕ умĕн ГИБДД сотрудникĕсем ачасемпе çул çинчи инкексем пуласран асăрхаттарас тĕллевпе ятарлă мероприятисем йĕркелеççĕ. "Асăрханăр - ачасем" акци кăçал çурла уйăхĕн 15-мĕшĕнче пуçланчĕ. Вăл авăн уйăхĕн 11-мĕшĕччен пырать. Чăваш Республикинчи автоинспекци ашшĕ-амăшне ачасене çул-йĕр правилисене пăхăнмалли çинчен вĕрентсе тата асăрхаттарса тăмалли, водительсене çул çинче, уйрăмах çуран каçса çỹремелли вырăнсенче асăрхануллă пулмалли çинчен аса илтерет.