Публикации » Документсемпе çирĕплетмесĕрех

10 августа 2011 г.

Район прокуратури Елчĕк районĕнчи вырăнти хăй тытăмлăх органĕсем муниципалитет пурлăхĕпе усă курассинче саккунсенче палăртнă требованисене мĕнле пăхăннине тĕрĕсленĕ. Тĕрĕслев çакна кăтартса панă: чылай ял тăрăхĕн пуçлăхĕ муниципалитет харпăрлăхĕнче шутланакан полицин участоксенчи пункчĕсен пỹлĕмĕсене служба ĕç-хĕлне пурнăçлама Раççей Федерацийĕн Шалти ĕçсен министерствин районсем хушшинчи "Комсомольский" уйрăмĕн Елчĕк районĕнчи полици пайне право çирĕплетекен документсем хатĕрлемесĕрех панă. Саккуна пăхăнман тĕслĕхсене пĕтерме тата айăплă çынсене дисциплина тĕлĕшĕнчен явап тыттарма хушса хăварса район прокуратури Елчĕк, Аслă Елчĕк, Аслă Пăла Тимеш, Аслă Таяпа, Тăрăм, Çирĕклĕ Шăхаль, Лаш Таяпа ял тăрăхĕсен пуçлăхĕсен тĕлĕшĕпе представленисем тăратнă.