10 августа 2011 г.
Кăçалхи 7 уйăхра районти халăха ĕçпе тивĕçтерекен центра 72 организаци 878 ĕç вырăнĕ пуррине пĕлтернĕ. Вĕсене ытларах рабочисем (791 çын) кирлĕ. 406 çынна вара пурăнмалли чи пĕчĕк виçерен те ытларах ĕç укçи тỹлеме палăртаççĕ. Халăха ĕçпе тивĕçтерекен центрăн кăтартусен базине 26 организацири вакантлă 130 ĕç вырăнне кĕртнĕ. Çав-çавах районти организацисене врачсем, агрономсемпе зоотехниксем, геодезистсем, учительсем кирлĕ. Çавăн пекех водительсем, доярсем, механиксем, экскаватор машинисчĕсем, кĕтỹçĕсем, тĕрлĕ ĕç тăвакансем, поварсем те ытлашши мар.