Публикации » Паллă фотографпа курнăçнă

03 августа 2011 г.

Утă уйăхĕн вĕçĕнче паллă фотограф, Мускав патшалăх университечĕн журналистика факультечĕн фотослужба ертỹçи Дмитрий Линников республикăри массăллă информаци хатĕрĕсен ĕçченĕсемпе семинар-практикум йĕркелерĕ. Тĕл пулу Шупашкарти Правительство çуртĕнче иртрĕ. Фотограф журналистсемпе курнăçнă май пуçтарăннисене хăйĕн ĕçĕсемпе паллаштарчĕ, паха сăн ỹкерчĕксем хатĕрлес ĕçри вăрттăнлăхсем çинче чарăнса тăчĕ, район тата республика шайĕнчи хаçатсенче пичетленнĕ сăн ỹкерчĕксене тишкерсе ырă енсене тата çитменлĕхсене палăртса хăварчĕ. Семинар-практикума йĕркелесе ирттерме пулăшнă "Мегафон" компани тĕл пулăва килнисене тутлă чейпе сăйларĕ, асăнмалăх парнесемпе хавхалантарчĕ.