03 августа 2011 г.
Çурла уйăхĕн 1-мĕшĕнчен районта "Трактор" профилактика операци-уйăхлăх пуçланчĕ. Вăл çак уйăх вĕçĕччен тăсăлать. Иртнĕ çул "Трактор" операци-уйăхлăх вăхăтĕнче пурĕ 96 тракторпа прицепа чарса тĕрĕсленĕ. Вĕсенчен çул çỹремелли йĕркесене пăснине (3 тĕслĕх), техника хăрушсăрлăхне пăхăнманнине, машинăсене патшалăх енчен регистрацилемелли, патшалăх техника тĕрĕслевĕн йĕркисене сĕмсĕррĕн пăснине (4-шар тĕслĕх) палăртнă. Çав-çавах техникăна çỹретнĕ чухне механизаторсем тракторист-машинист удостоверенине илме манаççĕ. Çакăн пек йĕркене 3 механизатор пăснă. 2 трактор çинче регистраци докуменчĕсем, 5-шĕ çинче патшалăх техника тĕрĕслевĕ витĕр тухнине ĕнентерекен талон пулман. Çавăн пекех 1 механизатор путевка илмесĕрех çула тухса ĕçе пикеннĕ. Айăплисене явап тыттарнă. Кăçал та операци-уйăхлăхăн тĕп тĕллевĕ - тракторсемпе прицепсен, хăй тĕллĕн çỹрекен ытти машинăсен хуçисем хушшинче профилактика ĕçне пурнăçласси, кивĕ техника хатĕрĕсене шутран кăларасси, патшалăх техника тĕрĕслевĕ витĕр тухнине асăрхасси.