27 июля 2011 г.
Елчĕкри культурăпа кану центрĕн информаципе методика пайĕ Чăваш Республикин халăх пултарулăх çурчĕн тата ЧР Культура министерствин хушăвĕпе килĕшỹллĕн районти культура çурчĕсене паспорт парать. Ку чухне çуртсемпе сооруженисене пур енлĕн тишкереççĕ: техника пахалăхне, правăпа ĕç йĕркелĕвĕн формине, пурлăхпа техника никĕс-не тата ытти те. Тăрăм, Аслă Таяпа, Елчĕк, Çирĕклĕ Шăхаль, Аслă Елчĕк, Лаш Таяпа ял тăрăхĕсенчи культурăпа кану учрежденийĕсем çуртсене паспорт парассине вĕçленĕ. Хальхи вăхăтра Курнавăшри, Кĕçĕн Таяпари, Аслă Пăла Тимешри ял тăрăхĕсенчи учрежденисенче юлашки документсене хатĕрлеççĕ.