Публикации » Ĕç пуçарма çул уçă

23 июля 2011 г.

Халăха ĕçпе тивĕçтерекен центр ĕçченĕсем пуçаруллă предпринимательсене пулăшасси çине пысăк тимлĕх уйăраççĕ. Утă уйăхĕнче кунта пулас предпринимательсем пуçтарăннă, тĕрлĕ ĕç пуçарас кăмăллине пĕлтерсе хăйсем хатĕрленĕ бизнес-проектсемпе паллаштарнă. Ятарлă комисси вĕсемпе паллашнă май 5 ĕçе ырă енлĕ хакланă. Çăмăл автомашина юсакан, сĕтел-пукан хатĕрлекен, тумтир çĕлекен е юсакан пĕчĕк цехсем уçма, пыл хурчĕ ĕрчетме хатĕр çынсене центр ĕçченĕсем кирлĕ канаш-сĕнỹпе те пулăшнă. Паянхи кун тĕлне комисси 51 ĕçсĕр çынна хăйсен ĕçне пуçарма тата 3-шне хушма ĕç вырăнĕсем уçма ирĕк панă.