Публикации » Сывлăх сыхлавĕнче - 35 çул

25 июня 2011 г.

Шăмалакри пĕтĕмĕшле практика врачĕн офисĕнчи Анастасия Герасимова медсестран ĕç стажĕ сахал мар. 35 çул вăл ял халăхĕн сывлăхĕшĕн тăрăшать. Ялта кам та пулин тăрук чирлесе ỹкнĕ - кунне-çĕрне пĕлмесĕр ун патне çитет, пĕрремĕш пулăшу парать. Анастасия Александровна Пăвари медучилищĕрен вĕренсе тухсан малтанах Шупашкарти больницăсенче ĕçленĕ, 1983 çултан Шăмалакра. Малтанах ялти фельдшерпа акушер пунктĕнче, кăçалхи нарăс уйăхĕнчен - ятарлă сертификат илсе офис медсестри. Сăн ỹкерчĕкре: 71 çулхи Л.Печкова А.Герасимова патĕнче тăтăшах сипленет. Çепĕç чĕлхеллĕ, хăйĕн ĕçне тỹрĕ кăмăлпа пурнăçлакан медсестра пирки ăшшăн сăмахлать вăл.