Публикации » Çамрăк амăшĕсене пулăшма

25 июня 2011 г.

 Ачасемпе 3 çула çитиччен отпускра пулнă çамрăк хĕрарăмсем ĕçе тухнă май малтанхи професси ăсталăхĕн пĕр пайне çухатнă. Хăш-пĕрин малтанхи ĕçе те таврăнас килмест, çавăнпа профессине улăштарасшăн. Çак тĕллевпе халăха ĕçпе тивĕçтерекен районти центр çамрăк амăшĕсен шухăшне шута илсе, вĕсен квалификацине ỹстерме, çĕнĕ профессисене алла илме пулăшасшăн. Вĕсене вĕ-рентме федерацин тата республикăн укçи-тенкине усă кураççĕ. Республикăн тĕллевлĕ программипе 25 çамрăк хĕрарăма Шупашкарти кооператив техникумĕн никĕсĕ çинче кассир сутуçă, ПЭВМ операторĕ профессийĕсене вĕрентеççĕ. Çул çинчи тăкаксене халăха ĕçпе тивĕçтерекен центр саплаштарать, вĕреннĕшĕн çамрăк ачасен амăшĕсене стипенди тỹлеççĕ.