Публикации » Лагерьсем уçăлнă

04 июня 2011 г.

Курнавăшри пĕтĕмĕшле пĕлỹ паракан вăтам шкул çумĕнче "Улыбка" лагерь уçăлнă. Пĕрремĕш сменăна 3-5-мĕш классенче вĕренекен 20 ача çỹрет. Каникула усăллă ирттерекен ачасене лагерь начальникĕ, директорăн воспитани енĕпе ĕçлекен çумĕ Э.Смирнова саламланă. В.Курчин преподаватель воспитанниксене асăрхануллă пулмаллине, çул çинче, тĕрлĕ лару-тăрура хăйсене мĕнле тытмаллине тĕплĕн ăнлантарнă. Çавăн пекех Лаш Таяпари вăтам шкулта 23 вĕренекенрен тăракан бригада ĕçе пуçăннă. Т.Воронина учительница ертсе пынипе ачасем шкул территорине тирпей-илем кĕртеççĕ, участокра ĕçлеççĕ. Ачасем халăха ĕçпе тивĕçтерекен центр урлă ĕçлеççĕ, çавна май вĕсене укçа ĕçлесе илни савăнтарать.