04 июня 2011 г.
2010 çулхи утă уйăхĕн 1-мĕшĕнчен пуçласа Раççей Федерацийĕн гражданинĕн ĕç килĕшĕвĕпе е гражданла право килĕшĕвĕпе хăйĕн хуçалăхĕнчи е ытти ĕçне пурнăçлама (предпринимательство ĕç-хĕлне пурнăçланисĕр пуçне) ют çĕр-шыв гражданинне тара тытма ирĕк пур. Тара кĕрекен ют çĕр-шыв гражданинĕн патент (çĕнĕлĕхе патшалăх çирĕплетекен е тавар туса кăларма, сутă тума ирĕк паракан документ) пулмалла. Ăна илес тесен Раççей Федерацийĕн миграци службин Чăваш Республикинчи управленине (Шупашкар хули, Карл Маркс урамĕ, 46 çурт) заявлени тăратмалла, çумĕнче хăй кам пулнине ĕнентерекен документ, миграци карти тата тĕслĕ пĕр сăн ỹкерчĕк пулмалла. Кунсăр пуçне ют çĕр-шыв гражданинĕн ĕçлев тапхăрĕшĕн налук тỹлемелле. Патентăн срокне вăйне çухатас умĕн пĕр кун маларах тăстармалла. Патент срокне малалла тăсмасан ют çĕр-шыв гражданинĕн Раççей Федерацийĕн территорийĕнче 15 кунран ытлашши тытăнса тăма ирĕк çук. Енчен те гражданин хăй патĕнче ют çĕр-шыв гражданинне патент илмесĕрех ĕçлеттерет пулсан, ĕçлеттерекене тата ĕçлекене административлă майпа явап тыттараççĕ, штраф тỹлеттереççĕ.