Публикации » Мăкăньпе кантăра кăкламалла

21 мая 2011 г.

 Эрех-сăра сиенĕ пирки кашниех пĕлет. Юлашки çулсенче наркотикăн усал витĕмĕ те сисĕнме пуçларĕ. "Шурă вилĕмпе" суту-илỹ тăвакансем çуллахи тапхăрта пуçĕсене уйрăмах çĕклеççĕ. Çын çỹремен улах вырăнсенче мăкăнь е кантăр ỹстерес тĕллеве мала хурать хăшĕ-пĕри. Çак ỹсен-тăрана уйрăм çынсен пахчисенче те курма пулать. Чылайăшĕ пахчара мăкăнь çитĕнтерни саккуна хирĕçле ĕç пулнине шута илесшĕн те мар. Çапах та саккуна пĕлменни яваплăхран хăтармасть. Елчĕкри шалти ĕçсен пайĕн ĕçченĕсем наркотиксен тата психотроплă хутăшсен çаврăнăшне тĕрĕслесе тăракан управленин ĕçченĕсемпе кăçал та, ытти çулсенчи евĕр, "Мăкăнь" операци ирттереççĕ. Операци вăхăтĕнче ялсенче пулса ку енĕпе йĕркене мĕнле пăхăннине тĕрĕслĕç йĕрке хуралĕн ĕçченĕсем.