Публикации » Тимлĕхе ỹстермелле

21 мая 2011 г.

 Çур аки вăхăтĕнче уйрăм çынсем хăйсен техникипе ял çыннисене ака-суха ĕçĕсенче нумай пулăшаççĕ. Анчах техника тĕрĕслевĕ витĕр тухнă-и вĕсем е ĕç сыхлавĕн прависене пăхăнаççĕ-и _ пит шухăшлаттарсах каймасть хресчене. Çавна май хăй тĕллĕн çỹрекен техникăн юсавлăхне тĕрĕслесе тăракан ЧР патшалăх инспекцийĕ çу уйăхĕн 10-27-мĕшĕсенче "Частник" операци ирттересси çинчен приказ кăларнă. Унăн тĕп тĕллевĕ _ уйрăм хуçалăхсенче усă куракан техникăпа прицепсене техника енчен тĕрĕслесси, вĕсемпе ĕçлекенсене ĕç тата техника хăрушсăрлăхĕ енчен асăрхаттарасси. Чи пĕлтерĕшлисем регистрациленĕ техника хатĕрĕсене техосмотр витĕр кăларасси тата ĕç сыхлавĕн правилисене пурнăçласси пулса тăраççĕ. Юсавлă техникăпа ĕçлеме шанчăклă. Маларах асăннă приказа пурнăçласа Лаш Таяпа тата Çирĕклĕ Шăхаль ял тăрăхĕсенчи трактор тытакансем патĕнче пултăмăр. Эпир 26 техникăна тĕрĕслерĕмĕр. Вĕсенчен çиччĕшĕн документ çук, пĕри техосмотр витĕр тухман. Йĕркене пăсакансем пирки протокол çырма тиврĕ.