21 мая 2011 г.
"Ачалăх ячĕпе, ачалăхшăн" ыр кăмăллăх марафонне районта пурăнакансем çулленех хастар хутшăнаççĕ. Йывăр лару-тăрăва лекнĕ, йышлă, тулли мар, сусăр ачаллă çемьесене пулăшассине, уйрăмах çул çитмен пултаруллă çамрăксене ăсталăха туптама май туса парассине вĕсем тивĕçлипе хаклаççĕ. Кăçал та Елчĕксем хăйсен тỹпине хыврĕç. Хальлĕхе марафон счечĕ çине 172 пин тенкĕ куçарнă. Районти предприятисемпе организацисенче, ял тăрăхĕсенче, хуçалăхсенче, хресчен (фермер) хуçалă-хĕсенче ĕçлекенсен тăрăшулăхне пула пуçтарăннă çак укçа-тенкĕ. "Ачалăх ячĕпе, ачалăхшăн" ыр кăмăллăх акцийĕ Пĕтĕм тĕнчери ачасене хỹтĕлемелли кун вĕçленет. Шутлă кунсем юлчĕç. Хаклă та хисеплĕ район çыннисем! Пархатарлă юхăма эсир те хутшăнасса, çакă çутă тĕнчене тата илемлĕрех тума пулăшасса шанатпăр. Ачасем - пурнăç чечекĕ, пирĕн пуласлăхăмăр.