Публикации » Тĕп хулари парадра

14 мая 2011 г.

Тăван çĕр-шывăн Аслă вăрçинче Аслă Çĕнтерỹ тунăранпа 66 çул çитнине халалланă тĕп хуламăрти парада кăçал районтан Кармал ялĕнчи Аттелĕхĕн Аслă вăрçин ветеранĕ И. Алексеев хутшăннă. Иван Алексеевич хыпарланă тăрăх, уява яланхиллех аслă ăру шухăш-кăмăлне шута илсе йĕркеленĕ. Асăнупа чыслав 11 сехет тĕлĕнче пуçланнă. Раççей Федерацийĕн тата Чăваш Республикин гим-нĕсем янранă хыççăн ветерансене Чăваш Республикин Президенчĕ М.Игнатьев саламланă. Шупашкарти çар гарнизонĕн пĕрлештернĕ подразделенийĕсен колоннисем марш кĕввипе ветерансем умĕпе иртнĕ, тỹпери самолетсемпе вертолетсем мăнаçлăн вĕçнĕ чух чылай ветеранăн куçĕсем шывланнă. Иртнĕ хăрушă вăхăта тепĕр хут куç умне кăларса тăратнă май вĕсем паянхи мирлĕ тỹпешĕн савăннă.