Публикации » Тĕрĕслетпĕр, шутран кăларатпăр

07 мая 2011 г.

Çу уйăхĕн 3-12-мĕшĕсенче республикăра, çав шутран районта та, "Транспорт хатĕрĕ" ятпа профилактика операцийĕ иртет. Çак тапхăрта ГИБДД ĕçченĕсем транспорт хатĕрĕсене техника тĕрĕслевĕ витĕр кăларас, киввисене пăрахăçлас ĕçсене пурнăçлаççĕ. Юрăхсăра тухнă транспорт хатĕрĕсене шутран кăларас текенсен ШĔМĕн Елчĕк районĕнчи шалти ĕçсен пайĕн ГИБДД уйрăмне транспортăн патшалăх регистраци паллипе тата техника паспорчĕпе пымалла. Енчен те транспорт хуçи вилнĕ пулсан, тăванĕсен вăл вилнине ĕнентерекен свидетельство копине тăратмалла. Çакна та палăртса хăвармалла. Хальхи вăхăтра кашни эрне кун Елчĕкри пасар территорийĕнче автомашинăсене техника тĕрĕслевĕ витĕр кăларатпăр.