07 мая 2011 г.
Юлашки кунсенче çунă çумăрсем ял хуçалăх ĕçĕсене пурнăçлама чылай чăрмантарчĕç пулин те, çур аки ĕçĕсем чарăнса ларман. Çу уйăхĕн 6-мĕшĕ тĕлне районĕпе пĕрчĕллĕ тата пăрçа йышши культурăсене 3559 гектар (31 процент) акнă. "Прогресра" - 78 процент, "Победăра" - 59, "Сатурнра - 56, "Марсра - 53, "Кушкăра" - 50, "Комбайнра" - 48 процент акнă. "Аранчеево", "Родник", "Звезда" хуçалăхсенче халĕччен те пĕр гектар тырă акман. Районĕпе кĕрхи культурăсене 2115 га (48 %), 2058 га (25 %) нумай çул ỹсекен курăксене минераллă удобренисемпе апатлантарнă. 7286 га (41 %) кĕрхи çĕртме сухине сỹреленĕ, 5265 га (29,9 %) культиваци тунă. 1010 тонна пĕрчĕллĕ тата пăрçа йышши культурăсен вăрлăхĕсене им-çамланă, 1227 тонна çĕр улмине яровизаци тума кăларнă. "АСК-Яльчики" ОООра 5 гектар çĕр улми лартнă. "Чăвашьенкрахмал" ООО "Знамя" ЯХПК çĕрĕсене кăçал акса тума тытăннă. Çавна май вăл çак кунсенче 50 тонна çĕр улмин çĕнĕ сорчĕсене, 70 тонна удобрени, дизтопливо кỹрсе килнĕ.