Публикации » "Лидер" операци иртнĕ

04 мая 2011 г.

 Çул çитмен çамрăксене преступлени çулĕ çине тăрасран, вĕсен прависемпе ирĕкĕсене пăсасран асăрхаттарас тĕллевпе кăçалхи ака уйăхĕн 21-мĕшĕнчен пуçласа çу уйăхĕн 4-мĕшĕччен районта "Лидер" операци иртнĕ. ШĔМĕн Елчĕк районĕнчи çул çитменнисемпе ĕçлекен подразделенин инспекторĕ Л.Егорова тата йĕрке хуралĕн ытти ĕçченĕсем çак тапхăрта тĕрлĕ шкулсенчи вĕренекенсемпе тĕл пулса экстремизмпа терроризм сиенĕсем пирки калаçусем пуçарнă, вĕсенчен сыхланмалли мелсем çинче чарăнса тăнă. Операци вăхăтĕнче çавăн пекех ачисене тивĕçлĕ воспитани парассинчен пăрăннăшăн Кĕçĕн Таяпа тата Çирĕклĕ Шăхаль ял тăрăхĕсенчи 3 ашшĕ-амăшĕ, çĕрле 10 сехет иртнĕ хыççăн ачисене урамра çỹреме ирĕк панăшăн Аслă Елчĕк ял тăрăхĕнчи 3 ашшĕ-амăшĕ тĕлĕшĕпе административлă протоколсем хатĕрленĕ. Çирĕклĕ Шăхаль ял тăрăхĕнче вара ỹсĕр çỹренĕ çул çитмен çамрăка тытса чарнă.