Публикации » Футболистсен çурхи турнирĕсем

04 мая 2011 г.

 Çуллахи спорт сезонĕ пуçланчĕ. Вăл "Елчĕк ен" хаçат призĕсене çĕнсе илессишĕн çăмăл атлетсен çурхи кросĕпе уçăлчĕ. Черетре ытти стартсем, спорт вăййисем. Çу уйăхĕн 1-мĕшĕнче ял тăрăхĕсен командисем хушшинче футболистсен çурхи турнирĕ пуçланчĕ. Ăна Аслă Çĕнтерỹ кунне тата Космонавтика çулталăкне халалланă. Унта 9 ял тăрăхĕн команди хутшăнать. Малтанхи тапхăрти вăйăсем çу уйăхĕн 1-5-мĕшĕсенче иртеççĕ. 6-мĕшпе 7-мĕшĕнче çурма финалти, Аслă Çĕнтерỹ кунĕ финалти вăйăсем пулаççĕ. Вăйăсем Елчĕкри тĕп стадионта каçхине 17 сехетре, финалти тĕл пулу 11 сехетре иртеççĕ. "Сăран мечĕк" клуб парнисене çĕнсе илессишĕн çамрăк футболистсен вăййисем çу уйăхĕн 3-мĕшĕнче пуçланнă.