23 апреля 2011 г.
Яманчỹрелти çĕнĕ пĕве çурхи шывпа тулчĕ. Иртнĕ çул ял çыннисем "Яманчỹрелти сельхозхими" ОАО (ертỹçи Г.Петров), "Яманчурино" ООО (В.Рахмуллин) тата А.Ефимов, Ю.Рахмуллин, А.Рахмуллин, Л.Яковлева, А.Князев уйрăм предпринимательсем пулăшнипе ялти пĕвене юшкăнран тасатса тарăнлатнăччĕ. Кăçал, юр ирĕлме тытăнсан, Яманчỹрелсем уй-хиртен анакан çурхи шыва пĕвене юхмалла турĕç. Пĕр кун çурăра пĕвене шыв тулчĕ. Халĕ пĕвере шыв вырăнĕ-вырăнĕпе 2-3 метр тарăнăш тăрать. Шкулта учительсем, килте ашшĕ-амăшĕ ачисене çуллахи вăхăтра та шыва кĕме юраманни çинчен асăрхаттарсах тăраççĕ.