27 апреля 2011 г.
ячĕпе Елчĕкри историпе тăван тавралăх музейĕ, Елчĕкри культурăпа кану центрĕ шкул ачисем хушшинче "Мăн кун уявĕ" ятпа чи лайăх ỹкерчĕк конкурсĕ ирттерчĕ. Конкурса пурĕ 50 ытла ĕç тăратнă. Кĕçĕн класра вĕренекенсем хушшинче Данил Щипцов (Таяпа Энтри), Эльвира Доброхотова (Патреккел), Арина Кириллова (Тĕмер), Анна Кузьмина (Хăвăлçырма), Светлана Сергеева (Елчĕк), Марина Ласточкина (Таяпа Энтри), Елена Алексеевăпа Ирина Петрова (Елчĕк) ỹкерчĕкĕсем чи лайăххисем тесе йышăнчĕç жюри членĕсем. Аслă классенче пĕлỹ пухакансенчен чи лайăх ĕçсен хуçисем çаксем пулчĕç: Ольга Антоновăпа Александр Синев (Таяпа Энтри), Инна Александрова (Елчĕк), Кристина Кузнецова (Çĕнĕ Пăва), Ольга Лисицына (Çуткỹл), Оксана Доброхотова (Патреккел), Станислав Хрисанов (Лаш Таяпа), Марина Мартышкина (Курнавăш), Виталий Сергеев (Тăрăм), Виталий Щукин (Энтепе). Чеканкăпа кăсăкланакансем хушшинче Кушкăри Петр Нурсова çитекенни пулмарĕ. Лаш Таяпари Иван Кузьмин картон çине çуллă сăрăпа ỹкерекен чи лайăх ăста пулса тăчĕ. Конкурсра малти вырăнсене йышăннă ачасене Хисеп грамотисем парса чысланă. Чи лайăх ỹкерчĕксем республикăри конкурса хутшăнма тивĕç пулнă.