Публикации » Шăрпăкпа вылямаççĕ

27 апреля 2011 г.

Ку хăрушă инкек ака уйăхĕн 19-мĕшĕнче Вăрăмхăва ялĕнче пулса иртнĕ. Çак кун 5 çулхи Вадима ашшĕпе амăшĕ, "Родник" ОООра ĕçлекенсем, килте пĕчченех хăварнă. 8 сехет те 55 минутра ял çыннисем çуртран тĕтĕм тухнине асăрханă, çийĕнчех пушар хуралĕн ĕçченĕсене пĕлтернĕ. Часах кил хуçи чупса çитнĕ, чỹрече витĕр кĕрсе тăнне çухатнă ачине урама илсе тухнă. "Васкавлă пулăшу" машини çитнĕ çĕре пилĕк çулхи ача вилсе кайнă. Малтан палăртнă тăрăх вут-çулăм ача шăрпăкпа алхаснинчен тухнă. Раççей Федерацийĕн Следстви комитечĕн Чăваш Республикинчи следстви управленийĕн Патăрьелĕнчи районсем хушшинчи следстви пайĕ çак пулса иртнĕ инкек сăлтавĕсене тĕпчет.