Публикации » Республикăра палăрнă

27 апреля 2011 г.

Космонавтика çулталăкне халалласа Чăваш Республикинчи халăх пултарулăх çурчĕн "6 х 7" галерейинче ака уйăхĕн 12-мĕшĕнчен пуçласа çу уйăхĕн 15-мĕшĕччен "Çăлтăрсем патне çул çỹреве" ỹкерчĕксен куравĕ ĕçлет. Пирĕн Елчĕк районĕнчен çак курава Елчĕкри искусство шкулĕнче пĕлỹ пухакан 6 ача хутшăннă: Анна Князева, Викторпа Анастасия Шаурбинсем, Ирина Баранова, Ангелина Александрова, Ольга Каширина. Римма Витальевна Парферьеван вĕренекенĕсем çулсеренех вуншар курава, конкурссене хутшăнса малти вырăнсене çĕнсе илеççĕ. Ку хутĕнче те вăл вĕрентекен ачасен - Ангелина Александровăпа Ольга Каширинан ĕçĕсем чи лайăххисем пулнă.