27 апреля 2011 г.
Чăваш чĕлхи кунĕ умĕн Шупашкарта "Чăваш пики-2011" конкурс иртнĕ. Унта 12 чăваш хĕрĕ хушшинче Елчĕк ялĕнчи Виктория Локтева тата Татьяна Тябукова хутшăннă. Жюри конкурсантсен хитрелĕхне кăна мар, вĕсен сцена культурине, чăваш чĕлхине, халăх историне, йăли-йĕркине, хăйсене кăтартма, наци апат-çимĕç хатĕрлеме пĕлнине, творчество ăсталăхне шута илнĕ. "Чăваш пики-2011" ята тата коронăна Виктория Локтева тивĕçнĕ. Вăл Мускавра иртекен Пĕтĕм Раççейри "Чăваш пики" конкурса хутшăнать. 2006 çулта пĕрремĕш хут ирттернĕ чăваш пикисен конкурсĕнче Тỹскелти Ирина Такина çĕнтернĕччĕ.