Публикации » Аслă Çĕнтерĕве - 66 çул

20 апреля 2011 г.

Аттелĕхĕн Аслă вăрçинче Çĕнтерỹ тунăранпа кăçал 66 çул çитет. Çак пысăк пĕлтерĕшлĕ уява районта тивĕçлĕ шайра ирттерсе ярас тĕллевпе Елчĕк район администрацийĕн пуçлăхĕ Н.Миллин йышăну кăларнă. Унпа килĕшỹллĕн йĕркелỹ комитечĕ туса хунă, мероприятисен планне çирĕплетнĕ. Ял тăрăхĕсен пуçлăхĕсене, предприятисемпе организацисен ертỹçисене, Елчĕк район халăхне социаллă пулăшу паракан пай тата социаллă хỹтлĕхпе тивĕçтерекен центр ĕçченĕсене асăннă уява йĕркелесе ирттерес ĕçе активлă хутшăнма сĕнсе хăварнă.