Публикации » Юрри хитре, усси пысăк

18 апреля 2011 г.

Шăнкăрч вĕллисем туса çакасси I Петĕр патша вăхăтĕнче пуçланнă теççĕ. Пирĕнпе юнашар пурăнакан вĕçен кайăксем çынсене хăйсен хитре юррипе кăна савăнтармаççĕ, садпа пахчасене сиен кỹрекен хурт-кăпшанкăсенчен те сыхлаççĕ. Çакна çут çанталăк тусĕсем лайăх ăнланаççĕ. "Чебурашка" ача садне çỹрекен Максим Мазюкин, Максим Иванов, Тимур Григорьев, Даниил Львов, Давидпа Денис Крысовсем хăйсен ашшĕсемпе аслашшĕсем тунă шăнкăрч йăвисем чи лайăххисем тесе шутлаççĕ. Вĕсене ача сачĕн территоринчи йывăçсем çине çакнă, йăвасене вĕçен кайăксем йышăннă ĕнтĕ. Шкул çулне çитсен ачасем хăйсен аллисемпе шăнкăрч йăвисем ăсталасса шанма пулать. Ырă ĕç туни сăваплă.