Публикации » Туллин тивĕçтермеççĕ

13 апреля 2011 г.

Кăçалхи виçĕ уйăхра водопровод тытăмĕнчи шыва санитарипе хими кăтартăвĕсем тăрăх тĕрĕслеме 7 проба илнĕ. Вĕсенчен пĕри - Аслă Пăла Тимешри В.В.Зайцев ячĕллĕ тĕп шкулти водопроводран илнĕ шыв проби кăтартусене тивĕçтермен. Иртнĕ çулхи çак тапхăрта та шывăн 8 пробине тĕрĕсленĕ, вĕсенчен пĕри нормăна тивĕçтермен. Микробиологиллĕ кăтартусене тĕрĕслес тĕллевпе шывăн 38 пробине илнĕ. Кăçалхи тата пĕлтĕрхи шыв пробисем нормативсене тивĕçтереççĕ. Роспотребнадзор тĕпчевĕсем тăрăх, централизациленĕ шыв пăрăхĕсенчен илнĕ пробăсем санитарипе хими кăтартăвĕсемпе гигиена ыйтăвĕсене туллин тивĕçтермеççĕ. "Кушкă" ЯХПКра шыв хытă пулнине, хлоридсем ытлараххине палăртнă. Пусăсемпе тарасасенчи шыв пахалăхне те тĕрĕслесе тăраççĕ. Кушкăри пĕтĕмĕшле пĕлỹ паракан вăтам шкулта шыв санитарипе хими кăтартăвĕсене туллин тивĕçтермест.