09 апреля 2011 г.
Раççей шайĕпе пĕрре анчах шутланакан Лаш Таяпари акар йытăсен питомникĕпе паллашма хăнасем çĕр-шывăн тĕрлĕ кĕтесĕнчен анчах мар, чикĕ леш енчен те килеççĕ. Кунта йытăсен çивĕчлĕхне ỹстерес, вĕсен характерĕн ытти енĕсене тĕрĕслес тĕллевпе питомникра çулсеренех тĕрлĕ сăнав ирттернине те палăртмалла. Çак кунсенче кунта Шупашкар, Мускав, Ульяновск, Брянск, Тамбов, Воронеж хулисенчи, Тутар Республикинчи акар йытăсемпе кăсăкланакансем пулнă, йытăсене тĕрĕслесе ятарлă экзамен ирттернĕ. Питомник ертỹçин Л.Князевăн "Барс" ятлă йытти ыттисенчен йăрăрах пулнипе палăрнă.