Публикации » Раççейре иккĕмĕш

06 апреля 2011 г.

Курнавăшра çуралса ỹснĕ Артем Сусликов штанга йăтассипе ялти шкулта вĕреннĕ чухне туслашнă. Халĕ Мускаври Олимп резервĕсем хатĕрлекен шкулта ăсталăха туптать. Çак кунсенче района ырă хыпар çитрĕ. Раççей спорт мастерĕ Курган облаçĕнчи Шадринск хулинче пулса иртнĕ çамрăксем хушшинче Раççейре мала тухмалли ăмăртура иккĕмĕш вырăн йышăннă. 69 кг çитичченхи виçере вăл çĕнтерỹçĕпе пĕр йывăрăш штангăна парăнтарнă. Хăйĕн виçи йывăртарах пулнипе çеç иккĕмĕш вырăна юлнă.Шадринскра иртнĕ Раççей чемпионатне спорт мастерĕ П.Портнов, спорт мастерĕн кандидачĕ Л.Иноходова (Аслă Пăла Тимеш) те хутшăннă, 10-мĕш тата 7-мĕш вырăнсене йышăннă.