Публикации » Тĕнче чемпионатне хутшăнать

06 апреля 2011 г.

Брянск хулинче çамрăксем хушшинче кире пуканĕ йăтассипе Раççей чемпионатне пирĕн республикăран хутшăннă виçĕ атлетран иккĕшĕ пирĕн районта çуралса ỹснĕ. Спорт мастерĕ Сергей Соловьев (Кавал) хальхи вăхăтра Чулхула облаçĕнчи çар училищинче вĕренет, кире пуканĕ йăтассипе çĕнĕ çитĕнỹсем тăвать. Брянскра вăл 32 килограмлă икĕ кире пуканне кăкăр çинчен 109 хутчен тĕртнĕ, Раççей чемпионатĕнче иккĕмĕш вырăн йышăннă. Ăна çĕр-шыв сборнăй командин йышне кĕртнĕ. Кăçал вăл СШАри Сан-Диего хулинче пулса иртекен тĕнче чемпионатне хутшăнать. Кĕçĕн Таяпара çуралса ỹснĕ, спорт мастерĕн кандидачĕ Екатерина Козлова та чемпионатра пьедесталăн иккĕмĕш картлашки çине хăпарнă. Хальхи вăхăтра Екатерина Чăваш ял хуçалăх академийĕнче вĕренет.